قىرغىزىستاندا پارلامېنت سايلىمى ئۆتكۈزۈلدى


2005-02-28
Share

قىرغىزىستاندا يەكشەنبە كۈنى ئېلىپ بېرىلغان پارلامېنت سايلىمىنىڭ دەسلەپكى نەتىجىسىگە قارىغاندا، سايلامغا قاتناشقان نامزاتلارنىڭ 3 دەن 2 قىسىمى پارلامېنتقا كىرىشكە يىتەرلىك بولغان بېلەتكە ئېرىشەلمىگەن. سايلىغۇچىلار 2 - قېتىم بېلەت تاشلىشى مۇمكىن.

خەۋەرلەرگە قارىغاندا يەكشەنبە كۈنكى سايلامدا، 300 دىن ئارتۇق نامزاتنىڭ ئاران 30 نەپىرى پارتلامېنتقا كىرگەن. پارلامېنتتىكى 75 ئورۇننىڭ 45 بوش قالغان بولۇپ، پۇقرالار 2 - قېتىم بېلەت تاشلىشى مۈمكىن. پارلامېنتقا كىرگەن بىر قىسىم نامزاتلار ئاقايېفنىڭ پارتىيىسىدىن بولسىمۇ بىراق ، 30 نەپەر نامزاتنىڭ كۆپ قىسىمى ھىچقانداق پارتىيە - گۇرۇھلارغا تەۋە بولمىغان مۇستەقىل نامزاتلار ئىكەن. بۇ ۋەزىيەت ئاقايېفنىڭ يەنە بىر قارار ھوقۇق تۇتۇش ئارزۇسىنى ئەمەلگە ئاشۇرۇشىغا پايسىدىز دەپ قارالماقتا.

پرېزىدېنت ئاقيېفنىڭ ئوغلى ئايدار پارلامېنت ئەزالىقىغا سايلانغان، ئامما قىزى بەرنېت بىرىنچى باسقۇچلۇق سايلامدا پارلامېنتقا كىرەلمىدى. 2 - باسقۇچلۇق سايلام 3 - ئاينىڭ ئوتتۇرىلىرى ئېلىپ بېرىلىشى مۇمكىن. يەكشەنبە كۈنكى سايلام تىنچ ئېلىپ بېرىلغان. بىراق ئۆكتىچىلەر سايلام جەريانىدا بەزى يولسىزلىق ۋەقەلىرى يۈز بەرگەنلىكىنى ئىلگىرى سۈرمەكتە.

سايلامدىن ئىلگىرى قىرغىزىستان ئالى سوت مەھكىمىسى ھۆكۈم چىقىرىپ، بەزى ئۆكتىچىلەرنىڭ سايلامغا قاتنىشىشىنى چەكلىگەن ئىدى. بۇ قىرغىزىستاننىڭ شەرقىدىكى نارېن ۋىلايىتىنىڭ بەزى يېزىلىرىدا پۇقرالارنىڭ نارازىلىق ھەرىكىتىنى قوزغىغان.(ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت