Qirghizistanda parlamént saylimi ötküzüldi

Qirghizistanda yekshenbe küni élip bérilghan parlamént saylimining deslepki netijisige qarighanda, saylamgha qatnashqan namzatlarning 3 den 2 qisimi parlaméntqa kirishke yiterlik bolghan béletke érishelmigen. Saylighuchilar 2 - qétim bélet tashlishi mumkin.

Xewerlerge qarighanda yekshenbe künki saylamda, 300 din artuq namzatning aran 30 nepiri partlaméntqa kirgen. Parlaménttiki 75 orunning 45 bosh qalghan bolup, puqralar 2 - qétim bélet tashlishi mümkin. Parlaméntqa kirgen bir qisim namzatlar aqayéfning partiyisidin bolsimu biraq , 30 neper namzatning köp qisimi hichqandaq partiye - guruhlargha tewe bolmighan musteqil namzatlar iken. Bu weziyet aqayéfning yene bir qarar hoquq tutush arzusini emelge ashurushigha paysidiz dep qaralmaqta.

Prézidént aqyéfning oghli aydar parlamént ezaliqigha saylan'ghan, amma qizi bernét birinchi basquchluq saylamda parlaméntqa kirelmidi. 2 - Basquchluq saylam 3 - ayning otturiliri élip bérilishi mumkin. Yekshenbe künki saylam tinch élip bérilghan. Biraq öktichiler saylam jeryanida bezi yolsizliq weqeliri yüz bergenlikini ilgiri sürmekte.

Saylamdin ilgiri qirghizistan ali sot mehkimisi höküm chiqirip, bezi öktichilerning saylamgha qatnishishini chekligen idi. Bu qirghizistanning sherqidiki narén wilayitining bezi yézilirida puqralarning naraziliq herikitini qozghighan.(Erkin)