Қазақистанда президент сайлими болди


2005.12.04
Share on WhatsApp
Share on WhatsApp

Йәкшәнбә күни қазақистанда президент сайлими болуп өтти. Пүтүн қазақистандики 9 миңдин артуқ сайлам нуқтиси қазақистан дөләт нахшисиниң яңрақ садаси ичидә беләт ташлашни башлиған болуп, бу қазақистан мустәқил болғандин кейинки үчинчи қетимлиқ президент сайлимидур.

Қазақистан мәтбуатлириниң учурлиридин қариғанда, бу қетимқи сайламға сәккиз милйон 700 миңдин артуқ адәм қатнашқан болуп, бу пүтүн нопусниң йеримини тәшкил қилидикән.

Президент нурсултан назарбайев йәкшәнбә күни кәчтә астанадики дөләтлик рус тиятирида нутуқ сөзләп, мәзкур сайламниң наһайити адил, очуқ-ашкара вә демократик кәйпиятта ичидә өткәнликини көрсәткән, әмма назарбайевниң риқабәтчилири бу қетимқи сайламниң хәлқара өлчәмләргә чүшмәйдиғанлиқи, президетниң барлиқ аммиви ахбарат вастилирини өз намзитиниң тәшвиқати үчүн ишләткәнликини, башқа намзатларға тосалғулуқлар пәйда қилинғанлиқини тәнқид қилған. Б б с агентлиқиниң учуридин қариғанда назарбайевниң әң күчлүк риқабәтчиси," адил қазақистан үчүн" бирләшмисиниң рәһбири җармахан туяқбайев бу сайламниң растчил болмиғанлиқини билдүргән.

Қазақистандики президент сайлимиға хәлқара көзитиш тәшкилатлириниң 1600 дин артуқ адими көзәткүчи сүпитидә қатнашқан болуп, явропа бихәтәрлик вә һәмкарлиқ тәшкилати мәзкур сайламниң йәнила хәлқара демократик сайлам өлчәмлиригә лайиқ әмәсликини көрсәткән,

Көзәткүчиләр бу қетим назарбайевниң башқа төт нәпәр президент намзитиниң йеңип, қайта президент болушиниң еһтиманллиқиниң зорлиқини билдүрүшмәктә. Әгәр ундақ болса, назарбайев йәнә йәттә йил президент болуп, униң һакимийәттики вақти 20 йилдин ешип кетиду. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.