Америка федерал тәкшүрүш хадимлири қазақистанда


2006-03-07
Share

Америкиниң қазақистанда турушлуқ баш әлчиси җан ордвй, өткән ай алматада өлтүрүлгән қазақистан сиясий өктичиси вә қазақистан нағиз ақйол партийисиниң рәиси алтунбек сәрсанбайоғлиниң өлүм вәқәсини тәкшүрүш үчүн қазақистан һөкүмитиниң тәклипигә бинаән йәнә бир нәччилигән америка федерал тәкшүрүш идариси хадиминиң вәзипиләндүрүлгәнликини билдүрди.

Көпчиликкә мәлум болғандәк, сәрсанбаюғлиниң өлтүрүлүши қазақистанда сиясий вәзийәтниң кәскинлишишигә сәвәб болған.

Америка бирләшмә агентлиқиниң хәвәр қилишичә, америка баш әлчиси, йәнә қанчилик америка федерал тәкшүрүш идариси хадиминиң қазақистанға кәлгәнлики тоғрисида мәлумат бәрмигән. Лекин у федерал тәкшүрүш идариси хадимлириниң, сәрсанбаюғлиниң өлтүрүлүши тоғрисдики тәкшүрүшниң "қаидиләргә мувапиқ" вә "тоғра" елип берилғанлиқини билдүргәнликини, тәкитлигән.

Әмма, америкиниң қазақистанда турушлуқ баш әлчиси, астанида мухбирларға бәргән баянатида, сәрсанбайоғлиниң өлтүрүлүшиниң сәвәблири һәққидә һелиму нурғун суаллар мәвҗут, деди.

Қазақистан сақчи даирилири, сәрсанбайоғлиниң өлтүрүлүшиниң қазақистан парламенти кеңәш палатасиниң юқири дәриҗилик хадими ерҗан отамбайиф тәрипидин пиланланғанлиқини билдүрмәктә. Әмма , қазақистандики сиясий өктичиләр сәрсанбайоғлиниң сиясий сәвәбләрдин өлтүрүлгәнликини тәкитлимәктә. Улар, сәрсанбайоғлини өлтүрүш буйруқиниң қазақистандики һакимийәтниң юқири қатламлиридики кишиләр тәрипидин берилгәнликини баян қилмақта. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт