Amérika fédéral tekshürüsh xadimliri qazaqistanda


2006-03-07
Share

Amérikining qazaqistanda turushluq bash elchisi jan ordwy, ötken ay almatada öltürülgen qazaqistan siyasiy öktichisi we qazaqistan naghiz aqyol partiyisining re'isi altunbék sersanbayoghlining ölüm weqesini tekshürüsh üchün qazaqistan hökümitining teklipige bina'en yene bir nechchiligen amérika fédéral tekshürüsh idarisi xadimining wezipilendürülgenlikini bildürdi.

Köpchilikke melum bolghandek, sersanbayughlining öltürülüshi qazaqistanda siyasiy weziyetning keskinlishishige seweb bolghan.

Amérika birleshme agéntliqining xewer qilishiche, amérika bash elchisi, yene qanchilik amérika fédéral tekshürüsh idarisi xadimining qazaqistan'gha kelgenliki toghrisida melumat bermigen. Lékin u fédéral tekshürüsh idarisi xadimlirining, sersanbayughlining öltürülüshi toghrisdiki tekshürüshning "qa'idilerge muwapiq" we "toghra" élip bérilghanliqini bildürgenlikini, tekitligen.

Emma, amérikining qazaqistanda turushluq bash elchisi, astanida muxbirlargha bergen bayanatida, sersanbayoghlining öltürülüshining sewebliri heqqide hélimu nurghun su'allar mewjut, dédi.

Qazaqistan saqchi da'iriliri, sersanbayoghlining öltürülüshining qazaqistan parlaménti kéngesh palatasining yuqiri derijilik xadimi érjan otambayif teripidin pilanlan'ghanliqini bildürmekte. Emma , qazaqistandiki siyasiy öktichiler sersanbayoghlining siyasiy seweblerdin öltürülgenlikini tekitlimekte. Ular, sersanbayoghlini öltürüsh buyruqining qazaqistandiki hakimiyetning yuqiri qatlamliridiki kishiler teripidin bérilgenlikini bayan qilmaqta. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet