Merkizi asiya iqtisadi hemkarliq gewdisige eza döletlerning bash ministirliri düshenbide uchrashti


2007-11-05
Share

Ottura asiya elliri 18 milyard dollar meblegh sélip, kéler on yil ichide asiya we yawropa ellirini tutashturidighan tömür yol, awi'atsiye qatnishi we tashyol liniyisi yasap chiqish pilanida pikir birliki hasil qildi.

Mezkur pilan tajikistanning paytexti düshenbide ötküzülgen, ezerbeyjan, xitay, mongghuliye, qazaqistan, qirghizistan, tajikistan we özbékistan qatarliq merkizi asiya iqtisadi hemkarliq gewdisige eza döletlerning bash ministirliri qatnashqan yighinda otturigha qoyulup maqullan'ghan.

Roytérs agéntliqida körsitilishiche, bu yighin asiya tereqqiyat bankisi teripidin oyushturulghan bolup, mezkur qurulush pilanida eslide bar bolghan qatnash liniyisini asas qilghan halda yene yéngidin 6 chong qatnash liniyisi échilip, rusiye, hindistan we sherqiy jenubi asiya ellirini tutashturush otturigha qoyulghan.

Melum bolushiche, merkizi asiya iqtisadi hemkarliq gewdisige eza döletler, xelq'araliq pul mu'amile organliridin 18.7 Milyard dollar iqtisadi yardem élip, bu qurulush türige meblegh salidighan bolup, mezkur qatnash liniyisi qurulushidiki asasiy meqset bolsa, ottura asiya ellirining ewzel jughrapiyilik shara'itidin téximu yaxshi paydilinish we rayon xaraktérlik qurulushlardiki öz ‏- ara hemkarliqini kücheytish iken.

Tajikistan paytexti düshenbide élip bérilghan yighin'gha yene, yawropa qayta qurush we tereqqiyat bankisi, xelq'ara maliye fondi, islam tereqqiyat bankisi dunya bankisi we asiya tereqqiyat bankisi qatarliq pul mu'amile orunliri ishtirak qilghan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet