Kérimofning qizi shangxey hemkarliq teshkilatining fonkitsiyini kéngeytishke chaqirdi


2005.12.07

Özbékistan prézidénti islam kérimofning qizi gulnara kérimowa shangxey hemkarliq teshkilatining ramkisi ichide énérgiye hemkarliq orgini qurush arqiliq, mezkur teshkilatning funkisiyisini kéngeytish teklipini otturigha qoydi.

Amérika birleshme axbarat agéntliqining xewirige qarighanda, özbékistan siyasiy tetqiqat merkizining dériktori gülnara kerimowa charshenbe küni tashkentte axirlashqan xelq'ara énérgiye yighinida, shangxey hemkarliq teshkilatigha eza we közetküchi bolghan her qaysi döletlerni énérgiye hemkarliqini kücheytishke chaqirghan.

Xitay we rusiye bashchiliqidiki shangxey hemkarliq teshkilati chégra mesililiri boyiche qurulghandin buyan fonkitsiyisi dawamliq kéngiyip, nöwette " térrorchiliqqa qarshi" rayonluq bixeterlik teshkilatigha aylandi. Bu teshkilat amérikining tebi'iy bayliqqa mol bolghan ottura asiya rayonidiki tesirige taqabil turushni meqset qilidu dep qaralmaqta. Xewerge qarighanda, özbékistan enjan weqesi sewebidin amérika bashliq gherb elliri bilen yamanlashqandin kéyin, rusiye we xitay néfit shirketliri özbékistandiki pa'aliyetlirini tézletken. Özbék emeldarlirining bildürüshiche, rusiye luk néfit shirkiti we xitay döletlik néfit shirkitini öz ichige alghan bir xelq'ara meblegh sélish shirkiti kiler yili 3 ‏- ayda özbékistan bilen 280 milyon dollarliq tebi'iy gaz qézish toxtami tüzmekchi. Rusiye gaz périm shirkitimu arqidin özbékistan döletlik énérgiye shirkiti bilen qimmiti 1 milyard dollarliq teb'iy gaz sodisi toxtami tüzüshke kélishken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.