Өзбекистан билән қазақистан, оттурисидики сода тосақлирини бикар қилишқа қошулди

Өзбекистан президенти ислам кәримоф билән қазақистан президенти нәзәрбайеф, икки дөләт оттурисидики сода тосақлирини елип ташлаш тоғрисида келишим һасил қилған.

Бирләшмә ахбарат агентлиқиниң хәвәр қилишичә, өзбекистан президенти керимоф билән қазақистан президенти нәзәрбайеф, пәйшәнбә күни чүштин кейин телефонда көрүшүп, икки дөләт оттурисидики иқтисади алақини чоңқурлаштуруш, таможнидики сода тосақлирини бикар қилиш шундақла тамажна түзүмини бирликкә кәлтүрүшкә қошулған.

"Народнойе слово" гезитиниң хәвәр қилишичә, икки дөләт президенти, юқириқи мәсилиләр бойичә юқири дәриҗиликләр хизмәт гурупписи қуруп, таможна вә сода мәсилилирини бир тәрәп қилишқа тәйинләшни қобул қилған.

Өзбекистан даирилири узундин бери әтраптики хошнилири тәрипидин һәр хил сода чәклимилирини чиқирип, район иқтисадиниң бир гәвдилишишигә қийинчилиқ туғдуруш билән әйиблинип келиватқан иди. Йеқинда қазақистан президенти нәзәрбайеф, райондики дөләтләрни оттура асия иттипақи қурушқа чақирған. Бирақ бу тәклип өзбекистан тәрипидин соғақ муамилигә учриған иди. Қазақистан оттура асиядики дөләтләр ичидә, иқтисади әң тез тәрәққий қиливатқан дөләт һесаблиниду. (Әркин)