Özbékistan bilen qazaqistan, otturisidiki soda tosaqlirini bikar qilishqa qoshuldi

Özbékistan prézidénti islam kerimof bilen qazaqistan prézidénti nezerbayéf, ikki dölet otturisidiki soda tosaqlirini élip tashlash toghrisida kélishim hasil qilghan.

Birleshme axbarat agéntliqining xewer qilishiche, özbékistan prézidénti kérimof bilen qazaqistan prézidénti nezerbayéf, peyshenbe küni chüshtin kéyin téléfonda körüshüp, ikki dölet otturisidiki iqtisadi alaqini chongqurlashturush, tamozhnidiki soda tosaqlirini bikar qilish shundaqla tamazhna tüzümini birlikke keltürüshke qoshulghan.

"Narodnoyé slowo" gézitining xewer qilishiche, ikki dölet prézidénti, yuqiriqi mesililer boyiche yuqiri derijilikler xizmet guruppisi qurup, tamozhna we soda mesililirini bir terep qilishqa teyinleshni qobul qilghan.

Özbékistan da'iriliri uzundin béri etraptiki xoshniliri teripidin her xil soda cheklimilirini chiqirip, rayon iqtisadining bir gewdilishishige qiyinchiliq tughdurush bilen eyiblinip kéliwatqan idi. Yéqinda qazaqistan prézidénti nezerbayéf, rayondiki döletlerni ottura asiya ittipaqi qurushqa chaqirghan. Biraq bu teklip özbékistan teripidin soghaq mu'amilige uchrighan idi. Qazaqistan ottura asiyadiki döletler ichide, iqtisadi eng téz tereqqiy qiliwatqan dölet hésablinidu. (Erkin)