Qirghizistanda zakazliq öltürüshler dawamlashmaqta


2005.06.12
Share on WhatsApp
Share on WhatsApp

Qirghizistanning döletlik "qabar" agéntliqining uchurigha qarighanda, 10-iyun küni qirghizistan parlaméntining bir neper ezasi namelum kishiler teripidin suyiqest bilen öltürülgen.

Jirghalbék surabaldiyéw isimlik mezkur parlamént ezasining östürülüsh weqesi parlamént binasi etrapida yüz bergen. Xewerlerge qarighanda qirghizistan hökümiti we ichki ishlar ministirliki hem dölet bixeterlik idarisi bu weqege jiddiy qarap, téz sürette déloni éniqlashni bashlighan.

Hazir qirghizistan jemiyitide mezkur parlamént ezasi heqqide her xil uchurlar tarqalghan bolup, uning 24-mart küni bishkek shehiride yüz bergen bulangchiliq weqesi bilen munasiwetlik ikenliki ilgiri sürülmekte. Tashqi ishlar ministiri roza otunbayéwa uni 24-marttiki bulangchiliq weqesini teshkillesh bilen eyibligen iken.

Bu qirghizistandiki démokratik inqilab ghelibe qilghandin kéyin yüz bergen bir qanche qétimliq zakazliq öltürüsh weqelirining biridur.

Xewerlerge qarighanda, qirghizistanda prézidént saylimi yéqinlishiwatqan bu künlerde, kishiler ammiwi qalaymiqanchiliqlarning yüz bérishidin ensirimekte. Chünki, özlirini démokratlar dep atighan öktichiler esqer aqayéwni aghdurup, hakimiyetni qolgha alghan bolsimu, biraq weziyetning téxi toluq muqimlashmiqanliqi bildürülmekte.

Qirghizistandiki mundaq suyiqest bilen öltürüsh weqeliri burundin tartipla izchil dawamlashqan bolup, buningdin bir qanche yillar ilgiri qirghizistan Uyghurlirining "ittipaq" jemiyitining re'isi, Uyghur pa'aliyetchisi nighmet haji bosaqowmu suyiqest bilen öltürülgen idi. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.