Қирғизистан парламент әзаси әркинбайеф етип өлтүрүлди


2005-09-22
Share

Қирғизистан парламентиниң әзаси вә 3 - айдики қирғизистан инқилаби һәрикитиниң рәһбәрлиридин бири болған баяман әркинбайеф, қирғизистан пайтәхти бешкәктики өйиниң алдида намәлум бир киши тәрипидин етип өлтүрүлди.

Франсийә ахбарат агентлиқиниң хәвиригә қариғанда, әркинбайеф чаршәнбә күни кәчтә оққа тутулған болуп, у дохтурханиниң җиддий қутқузуш бөлимидә җан үзгән. Парламент әзаси баяман әркинбайеф, қирғизистандики чоң байларниң бири һәмдә униң өз алдиға завут вә меһманханилири бар. Шундақлау бу йил 3 -айдики қирғизистан инқилавида муһим рол ойниған рәһбәрләрниң бири.

Хәвәрдә мәлум болишичә, әркинбайеф илгири йәнә челишиш чимпйониму болған болуп, көзәткүчиләр, әркинбайефниң 3 - айдики инқилапқа иқтисадий җәһәттин көп ярдәм қилғанлиқини һәмдә челишчи оқуғучиларни намайишқа башламчилиқ қилишқа орунлаштурғанлиқини билдүрмәктә.

3 - Айдики қирғизистан инқилави, қирғизистан президенти әсқәр ақайефниң тәхттин чүшишигә сәвәп болған муһим бир вәқә. Шундақла баяман әркинбайеф бу йил 5 - айда бир қетимлиқ қәстләп өлтүрүш вәқәсидин қутулуп қалған иди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт