Qirghizistan parlamént ezasi erkinbayéf étip öltürüldi


2005.09.22
Share on WhatsApp
Share on WhatsApp

Qirghizistan parlaméntining ezasi we 3 - aydiki qirghizistan inqilabi herikitining rehberliridin biri bolghan bayaman erkinbayéf, qirghizistan paytexti béshkektiki öyining aldida namelum bir kishi teripidin étip öltürüldi.

Fransiye axbarat agéntliqining xewirige qarighanda, erkinbayéf charshenbe küni kechte oqqa tutulghan bolup, u doxturxanining jiddiy qutquzush bölimide jan üzgen. Parlamént ezasi bayaman erkinbayéf, qirghizistandiki chong baylarning biri hemde uning öz aldigha zawut we méhmanxaniliri bar. Shundaqla'u bu yil 3 -aydiki qirghizistan inqilawida muhim rol oynighan rehberlerning biri.

Xewerde melum bolishiche, erkinbayéf ilgiri yene chélishish chimpyonimu bolghan bolup, közetküchiler, erkinbayéfning 3 - aydiki inqilapqa iqtisadiy jehettin köp yardem qilghanliqini hemde chélishchi oqughuchilarni namayishqa bashlamchiliq qilishqa orunlashturghanliqini bildürmekte.

3 - Aydiki qirghizistan inqilawi, qirghizistan prézidénti esqer aqayéfning texttin chüshishige sewep bolghan muhim bir weqe. Shundaqla bayaman erkinbayéf bu yil 5 - ayda bir qétimliq qestlep öltürüsh weqesidin qutulup qalghan idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet