Rusiye tajikistanda herbiy baza qurdi

Rusiye prézidénti wladimir putin yekshenbe küni tajikistandiki tunji rusiye herbiy bazisining échilish murasimigha qatnashti. 5000 Kishilik rusiye qoshuni turghuzilidighan tajikistandiki mezkur baza, rusiyening chet'eldiki eng chong we shundaqla 2 - herbiy bazisi bolup qalidu. Rusiye buning aldida qirghizistanda herbiy baza qurghan. Rusye dölet mudapi'e ministiri sérgéy iwanof : “ herbiy baza moskwaning rayondiki muqimliq endishisini namayan qilidu” dep tekitligen. Tajikistan prézidénti imam eli raxmanofning qatnishishi bilen ötküzülgen düshenbidiki murasimda rusiye prizdénti wladimir putin : “ mezkur baza ottura asiya we sabiq sowét ittipaqi jumhuriyetlirining tinchliqi we muqimliqida muhim rol oynaydu” dep körsetti.

U herbiy baza échish pilani térrorchilar, diniy radikal küchlerning hujumini tosaydighanliqi, shundaqla zeherlik chékimlik tijariti we teshkillik jinayi heriketlerge qarshi küreshke yardem béridighanliqini ilgiri sürgen. Xewerlerge qarighanda herbiy baza rusiyige 49 yilliq muddet bilen ijarige bérilishi, chégra boyidiki nurek qarawulxanisini rusiye qisimlirigha ötküzüp bérilishi mumkin. Buning bedilige rusiye tajikistandin alidighan 300 milyon dollar qerzining 240 milyonini kechüriwétidu. Rusiye prézidénti xitayda élip barghan 3 künlük ziyaritidin kéyin tajikistan'gha kelgen. (Erkin)