Хитай хәлқ қурултийи таҗикистан билән түзгән террорчилиққа қарши келишимни мақуллиди


2004.10.28
Share on WhatsApp
Share on WhatsApp

Америка бирләшмә ахбарат агентлиқиниң хәвиригә қариғанда, хитайниң муавин ташқи ишлар министири җув винҗуң хәлқ қурултийи даимий комитети әзалириға "дөләт бихәтәрликигә капаләтлик қилиш үчүн, оттура асия дөләтлири билән үч хил күчләргә қарши һәмкарлиқни күчәйтиш интайин муһим вәзипә "дәп билдүргән. У йәнә " уйғурларниң мустәқиллиқ һәрикити хитай вә оттура асиядики әң чоң тәһдид " дәп көрсәткән.

Келишимгә асасән, икки дөләт сақчи даирилири мунасивәтлик дилоларни бирликтә разветка қилидикән, қәрәрлик учрушидикән, шундақла учур алмаштуруш вә техника җәһәттин һәмкарлишиш системисини қуруп чиқидикән. Бу келишим йәнә, хитай сақчилириниң таҗикистандики уйғур мустәқиллиқ һәрикәтлирини бастуришиға йол ечип беридикән.

Хитай һөкүмити 2001 - йили оттура асиядики төт дөләт билән бу хил келишимләрни имзалиған. Хитай хәлқ қурултийи таҗикистандин башқа дөләтләр билән түзгән келишимләрни аллибурун мақуллиған иди.

Хитай һөкүмити гәрчә уйғур миллий мустәқилчилирини террорчилиққа четип келиватқан болсиму, бирақ кишилик һоқуқ тәшкилатлири хитай һөкүмитиниң террорчилиққа қарши көрәштин пайдилинип, уйғур елигә болған контроллуқини күчәйтишкә вә өз сиясий- иқтисадий һоқоқини капаләткә игә қилиш үчүн теришиватқан тинчлиқпәрвәр уйғурларни бастурушқа уруниватқанлиқини билдүрмәктә. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.