Ташкәнт ислам мәдәнийәт пайтәхти болди


2007.02.04

Қирғизистанниң дөләтлик "қабар" агентлиқиниң учур беришичә, ислам қурултийи тәшкилати өзбекистан пайтәхти ташкәнтни 2007-йиллиқ ислам мәдәнийәт пайтәхти қилип бекиткән.

Бу һәқтә мәзкур тәшкилатниң рәиси әкмәлиддин ихсаноғлу өзбекистан президенти ислам кәримопқа хәт йезип уқтурған. Мәзкур хәттә ташкәнтниң ислам мираслирини сақлашқа зор төһпәқошқанлиқи билән мәзкур шәрәплик салаһийәткә игә болғанлиқи шәрһләнгән болуп, бу йил ташкәнттә " оттура асиядики ислам мираслири" намлиқ хәлқаралиқ муһакимә йиғин чақирилиш қарар қилинған.

Ислам қурултийи тәшкилати 1969-йили сәуди әрәбистанниң тәклипи билән қурулған болуп, униңға 57 дөләт қатнашқан. Мустәқил дөләтләр һәм достлуқиға әза әзәрбәйҗан, қазақистан, қирғизистан, таҗикистан, түркмәнистан вә өзбекистанму бу тәшкилатқа әза болған.

Бирақ, өзбекистан октичилири йеқинқи йиллардин буян ислам кәримоп һөкүмитиниң радикал исламға қарши туруш нами астида өзбекистанлиқларниң нормал диний паалийәт билән шуғуллиниши, диний тәшкилатларға уюшиши вә әркин диний тәблиқә қилишини чәкләватқанлиқини тәнқид қилмақта.

Әмәлийәттә, өзбекистандики бухара, сәмәрқәнд, хивә қатарлиқ шәһәрләрдә оттура вә йеқинқи әсир ислам мәдәнийитиниң қурулуш, нәққашлиқ һәм язма намайәндилири әң яхши сақланған болуп, бу җәһәттә ислам дуняниң диққитигә еришкән. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.