Tashkent islam medeniyet paytexti boldi


2007-02-04
Share

Qirghizistanning döletlik "qabar" agéntliqining uchur bérishiche, islam qurultiyi teshkilati özbékistan paytexti tashkentni 2007-yilliq islam medeniyet paytexti qilip békitken.

Bu heqte mezkur teshkilatning re'isi ekmeliddin ixsanoghlu özbékistan prézidénti islam kerimopqa xet yézip uqturghan. Mezkur xette tashkentning islam miraslirini saqlashqa zor töhpeqoshqanliqi bilen mezkur shereplik salahiyetke ige bolghanliqi sherhlen'gen bolup, bu yil tashkentte " ottura asiyadiki islam mirasliri" namliq xelq'araliq muhakime yighin chaqirilish qarar qilin'ghan.

Islam qurultiyi teshkilati 1969-yili se'udi erebistanning teklipi bilen qurulghan bolup, uninggha 57 dölet qatnashqan. Musteqil döletler hem dostluqigha eza ezerbeyjan, qazaqistan, qirghizistan, tajikistan, türkmenistan we özbékistanmu bu teshkilatqa eza bolghan.

Biraq, özbékistan oktichiliri yéqinqi yillardin buyan islam kerimop hökümitining radikal islamgha qarshi turush nami astida özbékistanliqlarning normal diniy pa'aliyet bilen shughullinishi, diniy teshkilatlargha uyushishi we erkin diniy tebliqe qilishini cheklewatqanliqini tenqid qilmaqta.

Emeliyette, özbékistandiki buxara, semerqend, xiwe qatarliq sheherlerde ottura we yéqinqi esir islam medeniyitining qurulush, neqqashliq hem yazma namayendiliri eng yaxshi saqlan'ghan bolup, bu jehette islam dunyaning diqqitige érishken. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet