Түркмәнистан өзбек вә таҗик мусапирлириға гиражданлиқ бәрди
2005.08.07
Оттура асиядики түркмәнистан җумһурийитиниң президенти сәпәр мурат ниязоп 13 миң 245 адәмни түркмәнистан гражданлиқиға қобул қилиш һәққидики мәхсус буйруқни имзалиди.
Русийиниң "хәвәрләр" агентлиқиниң учуриға қариғанда, "түркмән баши" дегән намға сазавәр болған сәпәр мурад ниязопниң буйруқи бойичә гражданлиққа қобул қилинған бу кишиләрниң мутләқ көпчилики 90-йилларда таҗикистанда йүз бәргән ички уруш апитидин қечип кәлгән таҗиклар шуниңдәк өзбекистан қатарлиқ дөләтләрдин түрлүк сәвәбләр билән келип, түркмәнистанда даимлиқ яшаватқан кишиләр икән.
Буниңдин башқа йәнә ниязоп, түркмәнистанға көчүп келишкә мәҗбур болған үч миңдин артуқ таҗикистанлиққа вә башқа һәр хил сәвәбләр билән бу дөләттә туруп қалған кишиләргә даимлиқ яшаш салаһити бериш һөҗҗитини имзалиған.
Сәпәр мурат ниязоп, хәлқара җәмийәт тәрипидин диктатор дәп әйибләнгән президентларниң биридур. Униң бу қетим бирақла мусапир дәп қаралған кишиләргә гражданлиқ салаһийити бериши оттура асия мәмликәтлиригә нисбәтән чоң йеңилиқ һесаблинидикән. (Үмидвар)
Мунасивәтлик мақалилар
- Қирғизистан өзбек мусапирларни 10 күн ичидә 3 - бир дөләткә орунлаштурушни тәләп қилди
- Кондализа райис қурманбег бақийефқа рәһмәт ейтти
- Қирғизистан, өзбек мусапирлирини үчинчи дөләткә әвәтидиғанлиқини билдүрди
- Қазақистан өзбек кишилик һоқуқ паалийәтчисини б д т муһаҗирлар идарисиға тапшурди
- Өзбек кишилик һоқуқ паалийәтчиси қазақистанда қолға елинди