Türkmenistan prézidénti xitayni ziyaret qilish teyyarliqi qilmaqta. Türkmen uchur tori "gundogar"ning xewer qilishiche, 31-may küni türkmenistan prézidénti qurban'gül berdimuhemmedof öz sariyida bu döletke ziyaretke kelgen xitay döletlik tereqqiyat komitétining mu'awin mudiri chén démin bashchiliqidiki néfit -gaz ishlirigha munasiwetlik wekiller ömikini qobul qildi.
Söhbet jeryanida ikki dölet munasiwetliridin bashqa yene türkmenistan bilen xitay arisida tüzülgen ilgiriki tebi'iy gaz kélishimlirining küchke ige bolush-bolmasliqi shuningdek buningdin kéyinki hemkarliq mesililiri muzakire qilin'ghan. Buningdin bashqa yene ximiyilik mehsulatlar, yémek-ichmek we medeniyet saheliri boyichimu pikir almashturulghan bolup, xitay wekillirining bashliqi chén démin xitay hökümitining türkmen prézidéntining xitayni ziyaret qilishini teqezzaliq bilen kütüwatqanliqini bildürgen.
Xewerlerge qarighanda, qurban'gül berdimuhemmedof xitayni ziyaret qilishni özining diplomatik kün tertipke qoyghan bolsimu, lékin buning qachan bolidighanliqi téxi éniq emes.
Sabiq prézidénti seper murat niyazof wapat bolushtin bir yil ilgiri xitayni ziyaret qilip, xitay re'isi bilen tebi'iy gaz kélishimi imzalighan shuningdek xitay bilen birlikte térrorchiliqqa qarshi küresh qilidighanliqini jümlidin Uyghur musteqilchiliri hésablinidighan sherqiy türkistan küchlirini xelq'ara térrorizimning bir qisimi dep qaraydighanliqini étirap qilghan idi.
Közetküchiler xitay hökümitining mezkur yéngi prézidént bilen burunqi eshu siyasiy we énérgiye kélishimlirini qaytidin qanunlashturush hem küchke ige qilish üchün heriket qilmaqta. (Ümidwar)
Munasiwetlik maqalilar
- Amérika merkiziy asiyaning birlishishini xalaydu
- Yéngi türkmenbashining moskwa ziyariti
- Qazaq yazghuchisi haji qumarning hayati, ijadiyiti we axirqi arzusi heqqide
- Türkmenbéshi seper murat niyazowning wapati türkmenistanda qandaq özgirishlerge yol achidu?
- Xitay türkmenistan bilen teb'iy gaz kélishimi imzalidi
- Türkmenistan bilen xitay kéler yili muhim bir néfit kélishimini imzalimaqchi
- Türkmenistan türmige tashlan'ghanlarni kechürüm qilmaqchi
- Türkmenistan özbék we tajik musapirlirigha girazhdanliq berdi
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
- Doktor adriyan zénz gérmaniyediki Uyghur jama'iti teripidin qizghin alqishlandi
