Türkmenistan amérika bilen keng alaqe qilishqa heriket qilmaqta
Döletni 20 yildin artuq waqit diktatorluq bilen idare qilip, amérika bashliq gherb döletliri bilen bolghan munasiwetke soghuq mu'amile tutqan seper murat niyazofning ölümidin kéyin türkmenistan prézidénti bolghan qurban'gul berdimuhemmedof resmiy rewishte amérika qoshma shtatliri bilen bolghan alaqilirini kéngeytishke we tereqqi qildurushqa teyyar ikenlikini bildürgen.
Türkmenistan uchur torlirining ashkarilishiche, amérika armiyisining merkiziy asiyadiki qoshunlirining qomandani wilyam fallon hemde amérika tashqi ishlar ministirlikining erbabliri qurban'gul berdimuhemmedof bilen washin'gton- ashxabad munasiwetliri heqqide pikirleshken hemde ikki dölet arisidiki xewpsizlik boyiche hemkarliqni dawamlashturidighanliqini tekitligen. Türkmen prézidénti amérika herbiy qomandani bilen bolghan söhbette türkmenistanning kaspi déngiz arqiliq gherbke tebi'iy gaz ékisport qilishni xalaydighanliqini tekitligen.
Nöwette, amérika bilen türkmenistan arisida herbiy -bixeterlik saheside hemkarliq ornitilghan bolup, türkmenistan herbiy-saqchi hem razwétka xadimliri amérikida bilim ashurush we terbiyilinish pursetlirige érishken. Amérika mudapi'e ministirliqi ashxabad bilen amérika ayropilanlirining türkmenistan hawa boshluqidin ötüsh hemde mariy shehrige jiddiy ehwal astida qonush heqqide pütüshüm hasil qilghan bolup, bu hazirghiche küchke ige bolghan.
Amérika terep qurban'gul berdimuhemmedofning démokratik islahat élip bérishini teshebbus qilghan bolup, berdimuhemmedof bu heqte xelq'ara jemiyetke bezi wedilirini élan qilghan idi. Lékin, türkmenistan rehbiri yéqinda rusiyini ziyaret qildi hemde prézidént putin we qazaq rehbiri nazarbayéf bilen tebi'iy gaz turubisi yatquzush kélishimi hasil qilip, türkmenistan gazlirini rusiyige bérishke qoshuldi.
Xewerlerdin qarighanda, türkmenistanning xitay bilenmu tebi'iy gaz kélishimi bar bolup, ashxabadni ziyaret qilghan bir xitay wekilining éytishiche, xitay hökümiti mezkur yéngi türkmenistan prézidéntining béyjingni ziyaret qilishini teqazzaliq bilen kétiwétiptu. (Ümidwar)
Munasiwetlik maqalilar
- Nazarbayéf, kaspiy déngiz néfit turubisini xitaygha tutashturush heqqide wede berdi
- Türkmenistan prézidénti xitayni ziyaret qilmaqchi
- Amérika merkiziy asiyaning birlishishini xalaydu
- Qazaqistan bilen yaponiye atom énérgiye toxtimi tüzdi
- Yéngi türkmenbashining moskwa ziyariti
- Özbékistan bilen amérika öz'ara munasiwetlirini ongshashqa tirishmaqta
- Türkmenbéshi seper murat niyazowning wapati türkmenistanda qandaq özgirishlerge yol achidu?
- Qirghizistan –amérika munasiwetliri nege yüzlinidu?
- Nazarbayéw amérika ziyaritini bashlidi
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- B d t ning ichki qismidiki nishanigha muxalip qilmishliri we Uyghur mesilisi
