Xitay berdimemedofning béyjing ziyaritide türkmenistan bilen teb'iy gaz kélishimi imzalaydu


2007-07-13
Share

Daw jonés xewerler torining melumatida ashkarilishiche, türkmenistan prézidénti berdimemedofning pat arida bashlinidighan béyjing ziyaritide dölet igilikidiki xitay néfit shirkitining türkmenistan bilen türkmenistan teb'iy gaz quduqlirini échish kélishimi imzalimaqchi boluwatqanliqi melum boldi.

Kélishimdin xewerdar erbablar daw jonés xewerler torigha bergen melumatida türkmen teb'iy gaz quduqlirini échish toxtamnamisining layihisi pütkenlikini bildürgen, lékin kélishimge asasen échilidighan teb'iy gaz quduqlirining kölimi we qimmitini ashkarilashni xalimighan. Kélishimning axirqi nusxisi türkmenistan prézidénti qurban'güli berdimemedofning 17 we 18- iyullarda élip bérilidighan béyjing ziyaritide imzalinidighanliqi perez qilinmaqta.

Xitay kelgüsi 30 yilda türkmenistan we qazaqistanlardin yiligha 30 milyard kup métir teb'iy gaz sétiwélishni pilan qilmaqta. Türkmenistan bilen xitay 2006 ‏- yili aprilda imzalighan bir kélishim buyiche ikki dölet arisida teb'iy gaz turubisi yatquzushni qarar qilghan we gaz bahasi üstide muzakire élip barghan idi.

Lékin rusiye prézidénti wladimir putin bu yil 5 ‏- ayda türkmenistanni ziyaret qilip, prézidént bedimemedoftin türkmen gazini rusiye zémini arqiliq éskport qilish wedisige érishkendin kéyin, közetküchiler bu soda bilen xitayning türkmenistandin teb'iy gaz sétiwélish pilani sugha chilashqanliqini ilgiri sürgen idi. Eger berdimemedofning xitay ziyariti tosalghusiz élip bérilsa, bu prézidént seper murat niyazof ötken yili 12 - ayda ölgendin kéyin, uning ornigha chiqqan türkmen prézidéntining xitayni tunji qétim ziyaret qilishi bolup qalghusi.(Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet