Türkmenistan 2009-yili xitaygha gaz satidu


2007-07-14
Share

Türkmenistan prézidénti qurban'gül berdimuhemmedof 2009-yilidin étibaren xitaygha gaz satidighanliqini resmiy jakarlidi.

Rusiye xewerler agéntliqining uchurlirigha asaslan'ghanda, türkmen rehbiri 16-iyul küni xitaygha resmiy ziyaret élip barmaqchi bolup, bu seper jeryanida xitay -türkmenistan rehberliri gaz kélishimi mesiliside söhbet élip baridiken.

" Düshenbe küni yeni aldimizdiki heptide bizning xitaygha qaratqan resmiy ziyaritimiz bashlinidu. Biz muzakire qilidighan asasliq mesililer ikki terep arisidiki iqtisadiy hemkarliq mesililiridur. 2009-Yilidin bashlap, biz xitaygha gaz satimiz, bu bizning kelgüsi iqtisadimizni küch éytidu" dégen prézidént berdimuhemmedof türkmenistan dölet meslihet komitétining kéngeytilgen yighinida. U, munasiwetlik qararlarning merhum prézidént seper murat niyazop dewride élin'ghanliqini tekitligen.

Türkmenistanni 20 yil idare qilghan seper murat niyazop buningdin ikki yil ilgiri béyjingni ziyaret qilghanda, xitay bilen türkmenistan arisida gaz turubisi yatquzup, yiligha 30 milyart kub métir gazni xitaygha mangdurushqa pütüshken idi, yéngi prézidént qurban'gül berdimuhemmedof, aldinqi aylarda rusiyini ziyaret qildi hemde putinmu ashxabadni ziyaret qilip bilen tebiy gaz kélishimliri imzalidi. Xitay terep yéngi prézidéntning merhum türkmen bashi niyazop dewride tüzülgen kélishimlerni bikar qiliwétishidin endishe qilghan idi, lékin, berdimuhemmedof bu kélishimlerning küchke ige ikenlikini bildürdi.

Nöwette, türkmen gazi xitay, rusiye we yawropa ittipaqining riqabet nuqtisigha aylan'ghan bolup, türkmen rehberliri gaz diplomatiye oyunini epchillik bilen oynimaqta. Xitay terep türkmenistandin gaz bahasini rusiyige qarighanda erzan sétip bérishni telep qilmaqta. Uchurlardin qarighanda, bu qétim béyjingda gaz bahasimu békitilishi mumkin iken.

Türkmen prézidénti berdimuhemmedof xitayda üch kün ziyarette bolmaqchi.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet