ئۆزبېكىستان ھۆكۈمىتى، سىياسىي ئۆكتچى ۋە كىشىلىك ھوقۇق پائالىيەتچىسىنى قولغا ئالدى


2005-08-29
Share

ئامېرىكا بىرلەشمە ئاگېنتلىقىنىڭ خەۋەر قىلىشىچە، ئۆزبېكىستان ھۆكۈمىتى شەنبە كۈنى ئۆزبېكىستاندىكى ئاتاقلىق سىياسىي ئۆكتىچىسى، ئەركىن دېھقانلار پارتىيىسىنىڭ ئەزاسى ۋە كىشىلىك ھوقۇق پائالىيەتچىسى ئەلىنا ئۇرلايىۋانى ھۆكۈمەتكە قارشى تەشۋىقات ۋارىقى تارقاتقان دەپ قولغا ئالغان.

ئۆزبېكىستان ئەركىن دېھقانلار پارتىيىسىنىڭ رە ئىسى نىگارە ھىدايەتوۋانىڭ ئېيتىشىچە، ئۆزبېكىستان ساقچىلىرى ئەلىنانى تۇتقان ۋاقتىدا، ئۇنىڭ يىنىدىن " ئۆزبېكىستان خەلقى ئويغان" ناملىق ئەركىن دېھقانلار پارتىيىسىنىڭ ئىدىيە ۋە مەقسەتلىرى تونۇشتۇرۇلغان بىر كىتاب چىققان.

تاشكەنتتىكى ئىسمىنى ئاشكارىلاشنى خالىمىغان بىر ساقچى خادىمىنىڭ بىلدۈرۈشىچە، ئۇرلايىۋا، ھۆكۈمەتنى مەسخىرە قىلغان تەشۋىقات ۋاراقلىرى تارقىتىپ، ھۆكۈمەتكە قارشى بىر نامايىش ئۇيۇشتۇرۇشقا تېرىشىۋاتقان بىر مەزگىلدە تۇتۇلغان.

ئۇرلايۋا پرېزىدېنت ئىسلام كېرىنموف ھۆكۈمىتىنى تەنقىد قىلغانلىقى ئۈچۈن، بۇندىن بۇرۇن بىر نەچچە قېتىم ئۆزبېكىستان ھۆكۈمىتى تەرىپىدىن قولغان ئېلىنغان ۋە ساقچىلار تەرىپىدىن قاتتىق ئۇرۇلغان ئىدى.

خەلقئارا جامائەتچىلىكى ئۇزۇندىن بېرى، ئۆزبېكىستان ھۆكۈمىتىنى كىشىلىك ھوقۇقنى دەپسەندە قىلىۋاتىدۇ دەپ ئەيىبلەپ كەلمەكتە. (قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت