Өзбекистан һөкүмити, сиясий өктчи вә кишилик һоқуқ паалийәтчисини қолға алди


2005-08-29
Share

Америка бирләшмә агентлиқиниң хәвәр қилишичә, өзбекистан һөкүмити шәнбә күни өзбекистандики атақлиқ сиясий өктичиси, әркин деһқанлар партийисиниң әзаси вә кишилик һоқуқ паалийәтчиси әлина урлайивани һөкүмәткә қарши тәшвиқат вариқи тарқатқан дәп қолға алған.

Өзбекистан әркин деһқанлар партийисиниң рә иси нигарә һидайәтованиң ейтишичә, өзбекистан сақчилири әлинани тутқан вақтида, униң йинидин " өзбекистан хәлқи ойған" намлиқ әркин деһқанлар партийисиниң идийә вә мәқсәтлири тонуштурулған бир китаб чиққан.

Ташкәнттики исмини ашкарилашни халимиған бир сақчи хадиминиң билдүрүшичә, урлайива, һөкүмәтни мәсхирә қилған тәшвиқат варақлири тарқитип, һөкүмәткә қарши бир намайиш уюштурушқа теришиватқан бир мәзгилдә тутулған.

Урлайва президент ислам керинмоф һөкүмитини тәнқид қилғанлиқи үчүн, бундин бурун бир нәччә қетим өзбекистан һөкүмити тәрипидин қолған елинған вә сақчилар тәрипидин қаттиқ урулған иди.

Хәлқара җамаәтчилики узундин бери, өзбекистан һөкүмитини кишилик һоқуқни дәпсәндә қиливатиду дәп әйибләп кәлмәктә. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт