Сабиқ қирғизистан баш министири дөлитигә қайтип өзини мәлум қилди


2005-08-23
Share

Бу йил 24 - марттики бешкәк инқилабида русийигә қечип кәткәндин кейин тутуш буйруқи чиқирилған қирғизистанниң сабиқ баш министири николай танайев, дүшәнбә күни дөлитигә қайтип қирғизистан тәптиш даирилиригә өзини мәлум қилди.

Қирғизистан җумһурийәтлик али тәптиш мәһкимисиниң ашкарилишичә, даириләр николай танайевни сорақ қилишқа башлиған. Али тәптиш ишханисиниң баянатчиси алмаз дирилдайев, дүшәнбә күни танайевниң қирғизистанға қайтип келип тәптиш даирилири билән һәмкарлишишқа қошулғанлиқини билдүргән иди.

Дирилдайевниң тәкитлишичә, тәптиш даирилири танайевни һоқуқини суйиистемал қилиш, қирғизистанниң дөләт хам чотиға зиян селиш қатарлиқ җинайәтләр билән әйиблигән. Әмма танайев, тәптиш даирилирини әйиплишини рәт қилди.

Танайев дүшәнбә күни русийә ахбарат агентлиқиға " парламент вә әдлийә органлири ички кабинит вә баш министирниң һәрикити үстидин қайта - қайта тәкшүрүш елип берип һечқандақ җинайәт тапалмиди," дәп тәкитлигән.

Дирилдайевниң билдүрүшичә, танайев қирғизистанға қайтип келип өзини мәлум қилишни халайдиғанлиқини билдүргәндин кейин, , тәптиш даирилири бу йил 6 - айда униң һәққидики тутуш буйруқини бикар қилған. Әмма дирилдайев, әсқәр ақайефниң көйоғли адил тойғанбайев тоғрисидики тутуш буйруқиниң давамлиқ күчкә игиликини билдүрди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт