Sabiq qirghizistan bash ministiri dölitige qaytip özini melum qildi


2005-08-23
Share

Bu yil 24 - marttiki béshkek inqilabida rusiyige qéchip ketkendin kéyin tutush buyruqi chiqirilghan qirghizistanning sabiq bash ministiri nikolay tanayéw, düshenbe küni dölitige qaytip qirghizistan teptish da'irilirige özini melum qildi.

Qirghizistan jumhuriyetlik ali teptish mehkimisining ashkarilishiche, da'iriler nikolay tanayéwni soraq qilishqa bashlighan. Ali teptish ishxanisining bayanatchisi almaz dirildayéw, düshenbe küni tanayéwning qirghizistan'gha qaytip kélip teptish da'iriliri bilen hemkarlishishqa qoshulghanliqini bildürgen idi.

Dirildayéwning tekitlishiche, teptish da'iriliri tanayéwni hoquqini suyi'istémal qilish, qirghizistanning dölet xam chotigha ziyan sélish qatarliq jinayetler bilen eyibligen. Emma tanayéw, teptish da'irilirini eyiplishini ret qildi.

Tanayéw düshenbe küni rusiye axbarat agéntliqigha " parlamént we edliye organliri ichki kabinit we bash ministirning herikiti üstidin qayta - qayta tekshürüsh élip bérip héchqandaq jinayet tapalmidi," dep tekitligen.

Dirildayéwning bildürüshiche, tanayéw qirghizistan'gha qaytip kélip özini melum qilishni xalaydighanliqini bildürgendin kéyin, , teptish da'iriliri bu yil 6 - ayda uning heqqidiki tutush buyruqini bikar qilghan. Emma dirildayéw, esqer aqayéfning köy'oghli adil toyghanbayéw toghrisidiki tutush buyruqining dawamliq küchke igilikini bildürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet