Yawropa bixeterlik we hemkarliq teshkilati ukra'iniyining özbék musapirlirini heydep chiqirishini eyiblidi

B b s agéntliqining uchuridin qarighanda, yawropa bixeterlik we hemkarliq teshkilati özining yéqinda élan qilghan doklatida ukra'iniye da'irilirining özbék musapirlirigha tutqan mu'amilisini tenqid qilip, ukra'iniyining öz zimmisige alghan xelq'araliq jawabkarliqlarni buzghanliqini körsetken. Chünki, ukra'iniye da'iriliri 14-15-féwral künliri ötken yilidiki enjan weqesi munasiwiti bilen özbékistan da'iriliri teripidin tutush buyruqi chiqirilghan üch neper özbék qachqunini tutup, özbékistan'gha qayturup bergen. Bu ademler b d t musapirlar idarisining guwahnamisige érishken bolup, démek ular siyasiy panahliq tiligenler idi.

Özbékistan öktichiliri yéqinqi 16 ay ichide 29 neper özbékistan öktichisining ukra'iniye teripidin mejburiy türde özbékistan'gha qayturiwétilgenlikini bildürüsh bilen b d t musapirlar idarisidin bu ehwalni tekshürüshni telep qilghan.(Ümidwar)