Қазақистанда хәлқаралиқ уйғуршунаслиқ йиғини ечилиду


2005.08.07

Қазақистанниң кона пайтәхти алмутадики мунасивәтлик әрбаблардин игилишимизчә йеқинда, қазақистан пәнләр академийисиниң шәрқшунаслиқ институтиниң тармиқидики ғоҗәхмәт сәдвақасоп намидики уйғуршунаслиқ мәркизи мәхсус хәлқаралиқ уйғуршунаслиқ илмий муһакимә йиғини өткүзидикән.

Бу қетимқи муһакимә йиғини совет иттипақиниң йиқилиш һарписида йәни 1991-йили, пүтүн совет иттипақи бойичә өткүзүлгән ахирқи қетимлиқ уйғуршунаслиқ йиғинидин кейинки әң көләмлик вә хәлқаралашқан илмий муһакимә йиғин болуп һесаблинидикән.

Учурларға қариғанда, бу қетимқи йиғин америкиниң қазақистанда турушлуқ әлчиханисиниң һәр җәһәттин қоллишиға еришкән болуп, америка тәрәп пүтүн иқтисадий чиқимларни земмисигә алған.

Ингилиз, уйғур вә рус тиллири йиғинниң хизмәт тили қилип бекитилгән болуп, асаслиқ уйғурларниң кона сияси-иқтисад вә мәдәнийәт тарихи шуниңдәк бүгүнки күндики сиясий мәсилилирини өз ичигә алған кәң даиридики мәсилиләр муһакимә обйекти қилинған. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.