Özbékistan prézidént saylimi
2007.12.22
Yekshenbe küni, özbékistanda prézidént saylimi ötküzülmekchi. Siyasiy mulahizichiler ning éytishiche, bu prézidént saylimi netijisi aldin éniq bolghan bir saylam bolup, dunyadiki eng diktator rehberlerning biri hésablan'ghan, islam kerimofning, qaytidin prézidént saylinidighanliqi éniq iken.
Özbékistanda, yekshenbe küni ötküzülidighan prézidént saylimida, kerimoftin sirt yene üch kishi özini namzat körsetken. Lékin, siyasiy analizchilar we kishilik hoquq pa'aliyetchiliri, özbékistan xelqighe anchila tonush bulimighan bu kishilerning, kerimofning orunlashturushi bilen, xelq'ara jama'etke, prézidént saylimining adaletlik, erkin we démokratik prinsiplargha asasen élip bérilghanliqini körsitish üchün, özlirini namzat körsetkenliki bayan qilishmaqta.
18 Yildin béri, özbékistanda hakimiyet yürgüzüwatqan prézidénti islam kerimof, özbékistandiki siyasiy öktichilerni ya türmige tashlighan yaki chet'ellerge qichishqa mejburlighan. Xelq'ara kishilik hoquq teshkilatlirining bildürüshiche, özbékistanda ten- jazasi we yépiq sotlarda siyasiy pa'aliyetchilerni uzun muddetlik qamaq jazalirigha höküm qilish, kündilik ishqa aylinip qalghan.
Islam kerimofning, bolupmu hökümet kontrolluqni sirtidiki musulman guruppilargha we musulman siyasiy pa'aliyetchilerge qaratqan bésimi nahayitimu küchlük bolup, gherb siyasiy mulahizichilirining éytishiche, kerimofning musulmanlargha qaratqan qattiq qol siyasiti, ottura asiyada diniy esebilikning téximu küchiyishige seweb bolmaqta iken. (Ömer qanat)
Munasiwetlik maqalilar
- Öktichiler qirghizistandiki saylamning adil élip bérilmighanliqini bildürmekte
- Qirghizistanda saylam xulasisi chiqti
- Qirghizistanda parlamént saylimi ötküzüldi
- Qirghizistan parlamént saylimi
- Putin özining parlamént ezaliq salahitidin waz kechti
- Wénsu'ila xelqi prézidént chawesning asasiy qanunni özgertish teklipini ret qildi
- Pakistandiki ikki chong öktichi partiyining re'isliri binezer boto we nawaz shérip söhbetleshmekchi
- Rusiyide prézidént saylash pa'aliyiti resmiy bashlandi
- Gruziye prézidénti sakashiwéli istipa berdi
- Wu banggwo, sherqiy türkistan küchlirini basturushta yardem bergen özbékistan'gha rexmet éytti