Өзбекистанниң вәзийити һәққидә түрлүк анализлар мәйданға кәлмәктә


2007-08-23
Share

Хәлқарадики тәтқиқат мәркәзлиридин бири болған, хәлқара кризис гурупписи өзбекистандики вәзийәт һәққидә доклат елан қилип, өзбекистанниң һазирқи вәзийити һәм өзбекистан үчүн һәм район үчүн хәтәрлик дәп көрсәтти.

Доклатта баян қилинишичә, президент кәримофниң вәзипә өтәш муддити аллиқачан ахирлашқан болсиму, әмма һазирғичә кәримофниң президентлиқ вәзиписини тапшурудиғанлиқи тоғрисида һечқандақ бишарәт мәвҗут әмәс икән. Доклатта ейтилишичә, бу вәзийәт, өзбекистанда президент кәримофтин кейин, һакимийәт талишиш җедили йүз беришиниң мумкинчилики вә бу җедәлниң тоқунушларға сәвәб болуш еһтималлиқиниң барлиқини көрситидикән.

Хәлқара кризис гурупписиниң муавин рәиси җон гринвалд мәзкур доклат һәққидә азадлиқ радиосиға бәргән баянатида," көрүнүштә өзбекистандики вәзийәт нөвәттә хели тинчтәк көрүниду. Лекин хәтәр алдимизда" дегән.

Баянатида, өзбекистандики кишилик һоқуқ вәзийитиниң күнсери начарлишиватқанлиқини тәкитлигән гринвалд, кишилик һоқуқ паалийәтчилири, мухбирлар вә сиясий өктичиләргә қаритилған бастурушниң үзлүксиз давамлишиватқанлиқини билдүрди.

У, явропа иттипақидин өзбекистанға қарита йолға қойған чәклик имбаргосини давамлаштурушини тәләп қилди шундақла хәлқара җамаәтни өзбекистан рәһбәрлириниң чәтәлләрдики мал-мүлүклирини мусадирә қилишқа чақирди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт