Özbékistan bilen qirghizistan wiza tüzümini waqtinche bikar qildi

Özbékistan bilen qirghizistan arisidiki yette yildin buyan dawamlishiwatqan wiza tüzümi waqtinche bikar qilindi.

Amérika awazi radi'osining igiligen uchuridin qarighanda, özbékistan bilen qirghizistan arisidiki qara su qatarliq chégra ponkitlirida 15 - fewraldin étibaren ikki terep ahalilirining wizasiz bérip kélishi bashlan'ghan. Biraq, bu wizasiz bérip kélishning möhliti 60 kün bolup, möhlet toshqandin kéyin yene qandaq belgilime chiqidighanliqi hazirche melum emes iken.

Özbékistan bilen qirghizistan arisidiki wiza tüzümi 1999 - 2000 - yillirida özbékistan islamiy herikiti dep atalghan teshkilatning qirghizistanning batken qatarliq jenubiy wilayetliride qoralliq heriketliri yüz bergende yolgha qoyulghan idi.

Eslide özbékistan –qirghizistan chégrisining ikki teripidiki enjan we osh wilayetliridiki ahalilar esirlerdin beri erkin bérip kélish qilghan, ularning arisida dölet chégra uqumi bolmighan idi, biraq 2000 - yili wiza tüzümi yolgha qoyulush bilen ikki terep puqraliri arisigha nurghun qolaysizliqlar kélip chiqqan. (Ümidwar)