Грузийә вә украинийә мустәқил дөләтләр гәвдисидин чиқип кәтмәкчи

Русийә хәвәрлиригә қариғанда, грузийә вә украинийә мустәқил дөләтләр һәмдостлуқидин чиқип кәтмәкчи болған.

Йәкшәнбә күни грузийә ташқи ишлар министирлиқи тиблисқа зиярәткә кәлгән украинийә вәкилләр өмики билән сөзләшкәндә, "мустәқил дөләтләр һәмдостлуқиниң аллиқачан роли қалмиғанлиқини, әмди һазир униңдин чиқип кетиш мәсилисини җиддий ойлишиш керәкликини оттуриға қойған. Грузийә президенти михаил сакашивили өткән һәптидә балтиқ бойидики җумһурийәтләрни зиярәт қилғанда, грузийиниң мустәқил дөләтләр һәмдостлуқидин чиқип кәтсә зиян тартмайдиғанлиқини, буни балтиқ бойи дөләтлириниң испатлиғанлиқини тәкитлиди.

Сакашивили сөзидә русийини тәнқид қилип, һазир русийиниң грузийигә нисбәтән өз базарлирини қаттиқ қамал қилғанлиқини, грузийә билән русийә арисидики виза түзүминиң явропа иттипақиға қариғанда қаттиқ икәнликини оттуриға қойди.

Русийиниң news.ru Агентлиқиниң учуридин қариғанда, грузийә билән украинийиниң мустәқил дөләтләр һәмдостлуқидин чип кәтмәкчи болғанлиқи қайтидин мустәқил дөләтләр гәвдисини күчәйтмәкчи болуватқан русийини биарам қилған.(Үмидвар)