Gruziye we ukra'iniye musteqil döletler gewdisidin chiqip ketmekchi

Rusiye xewerlirige qarighanda, gruziye we ukra'iniye musteqil döletler hemdostluqidin chiqip ketmekchi bolghan.

Yekshenbe küni gruziye tashqi ishlar ministirliqi tiblisqa ziyaretke kelgen ukra'iniye wekiller ömiki bilen sözleshkende, "musteqil döletler hemdostluqining alliqachan roli qalmighanliqini, emdi hazir uningdin chiqip kétish mesilisini jiddiy oylishish kéreklikini otturigha qoyghan. Gruziye prézidénti mixa'il sakashiwili ötken heptide baltiq boyidiki jumhuriyetlerni ziyaret qilghanda, gruziyining musteqil döletler hemdostluqidin chiqip ketse ziyan tartmaydighanliqini, buni baltiq boyi döletlirining ispatlighanliqini tekitlidi.

Sakashiwili sözide rusiyini tenqid qilip, hazir rusiyining gruziyige nisbeten öz bazarlirini qattiq qamal qilghanliqini, gruziye bilen rusiye arisidiki wiza tüzümining yawropa ittipaqigha qarighanda qattiq ikenlikini otturigha qoydi.

Rusiyining news.ru Agéntliqining uchuridin qarighanda, gruziye bilen ukra'iniyining musteqil döletler hemdostluqidin chip ketmekchi bolghanliqi qaytidin musteqil döletler gewdisini kücheytmekchi boluwatqan rusiyini bi'aram qilghan.(Ümidwar)