Қирғизистан һөкүмити 24 - март күнини хатириләшни қарар қилди

Қирғизистан президенти қурманбек бақийев 22-март күни рәсмий буйруқ мақуллап. 24 - Март күнини хәлқ инқилаби хатирә күни сүпитидә пүтүн мәмликәт бойичә байрам қилишни бекити.

Демәк, 24-март күни һәр йили пүтүн қирғизистан бойичә дәм елиш, байрам күни болидикән. Қирғизистан дөләт мәҗлисиму мәзкур буйруқ һәққидә қанун чиқиридикән.

24-Март күни қирғизистан демократик өктичилириниң ғәлибә қилған күни болуп, өткән йили бу күндә бешкәктә намайиш йүз берип, намайишчилар президент бинасиға бастуруп кирип, әсқәр ақайев һөкүмитини ағдуривәткән, ақайев өз һөкүмитини ташлап, москваға қечип беривалған иди.

Шуниңдин кейин, қирғизистанда сайлам өткүзүлүп, қурманбек бақийев президент болди һәмдә қирғизистанда демократик түзүм орнитилғанлиқини, хәлқниң демократик һоқуқлириға капаләтлик қилидиғанлиқини елан қилған иди. Хәвәрләргә қариғанда, қирғизистандики уйғурларму бу күнни хатириләш үчүн тәйярлиқларни елип барған.(Үмидвар)