Qirghizistan hökümiti 24 - mart künini xatirileshni qarar qildi

• 
  2006-03-22

Qirghizistan prézidénti qurmanbék baqiyéw 22-mart küni resmiy buyruq maqullap. 24 - Mart künini xelq inqilabi xatire küni süpitide pütün memliket boyiche bayram qilishni békiti.

Démek, 24-mart küni her yili pütün qirghizistan boyiche dem élish, bayram küni bolidiken. Qirghizistan dölet mejlisimu mezkur buyruq heqqide qanun chiqiridiken.

24-Mart küni qirghizistan démokratik öktichilirining ghelibe qilghan küni bolup, ötken yili bu künde béshkekte namayish yüz bérip, namayishchilar prézidént binasigha basturup kirip, esqer aqayéw hökümitini aghduriwetken, aqayéw öz hökümitini tashlap, moskwagha qéchip bériwalghan idi.

Shuningdin kéyin, qirghizistanda saylam ötküzülüp, qurmanbék baqiyéw prézidént boldi hemde qirghizistanda démokratik tüzüm ornitilghanliqini, xelqning démokratik hoquqlirigha kapaletlik qilidighanliqini élan qilghan idi. Xewerlerge qarighanda, qirghizistandiki Uyghurlarmu bu künni xatirilesh üchün teyyarliqlarni élip barghan.(Ümidwar)