" Qazaqistan xitay shirkitining qarazhanbas néfitlikini sétiwélishini tosash kérek"


2006.11.17

Qazaqistan énérgiye ministiri xitay jungshin maliye guruhining qazaqistan qarazhanbas néfitlikini bir milyard 900 milyon dollargha sétiwélishini tosaydighan jiddiy tedbir élishi kérek, dep körsetti.

Birleshme axbarat agéntliqining xewerqilishiche, qazaqistan énérgiye ministiri baqtiqoja izmuqambetow,qazaqistan parlaméntining bir komitétida söz qilip, " biz qarazhanbas munayni sétish sodisigha qarshi jiddiy tedbir élishimiz kérek " dep tekitligen.

Xitayning jungshin maliye guruhi 10 - ayning 26 - küni bir kanada néfit shirkitidin qazaqistanning qarazhanbas néfitlikini sétiwalmaqchi boluwatqanliqini jakarlighan idi. Qarazhanbas néfitlikini échish hoquqi 2020 - yilighiche kanada néfit shirkitining igidarchiliqida idi. Jungshin guruhi bu sodining bu yil ichide tamamlinidighanliqini bildürgen. Lékin bu soda qazaqistan parlaméntidiki bezi ezalarning qarshi turushigha uchridi. Ular qazaqistan néfit igiliki xitaygha heddidin ziyade yölünüp qélishidin ensirimekte. Qazaqistan hökümiti énérgiye ministirining bayanatigha hazirghiche hichqandaq inkas qayturmighan.

Eger bu soda emelge ashsa, qarazhanbas néfitliki xitay shirketliri teripidin sétiwélin'ghan 2 - qazaqistan néfit eslihesi bolup qalatti. Buningdin burun 2005 - yili 8- ayda xitay döletlik néfit shirkiti 4 milyard dollargha qazaqistan néfit shirkitini sétiwalghan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.