قىرغىزىستان يەنە بىر قېتىم خىتاينىڭ قىرغىزىستاندا ھەربىي بازا قۇرالمايدىغانلىقىنى جاكارلىدى


2005-07-31
Share

ئامېرىكا دۆلەت مۇداپىئە مىنىستىرى دونالد رامسفېل بىشكەكنى زىيارەت قىلىپ، ماناس ئايرودرومىدىكى ئامېرىكا ھەربىي بازىسىنىڭ داۋاملىق ساقلىنىدىغانلىقى ھەققىدە قىرغىزىستان ھۆكۈمىتى بىلەن كېلىشىم ھاسىل قىلغاندىن كېيىن، قىرغىزىستان مۇئاۋىن باش مىنىستىرى ئەدھەم ماداماروۋ بايانات ئېلان قىلىپ، قىرغىزىستاندا ئامېرىكا ۋە رۇسىيە ھەربىي بازىسىدىن باشقا خىتاي ھەربىي بازىسىنىڭ قۇرۇلمايدىغانلىقىنى ئېلان قىلدى. بۇ ھەقتە قىرغىزىستاننىڭ "قابار" ئاگېنتلىقى ئۇچۇر تارقاتقان.

قىرغىزىستاندىكى دېموكراتىك ئىنقىلابتىن كېيىن ۋەزىپىگە ئولتۇرغان بۇ مۇئاۋىن باش مىنىستىر ئۆزىنىڭ قازاقىستان زىيارىتى جەريانىدىكى بىلدۈرۈشىچە، خىتاينىڭ قىرغىزىستاندا ھەربىي بازا قۇرۇش مەسىلىسىنىڭ ئىلگىرى يۇقىرى دەرىجىلىك رەھبەرلەر ئارىسىدا مۇزاكىرە قىلىنغانلىقى، ئەمما بېشكەكنىڭ مەيدانىنىڭ بۇنىڭغا قوشۇلمايدىغانلىقىنى تەكىتلەپ،" بىز مەملىكىتىمىزنى ھەربىي –سىياسىي نۇقتىغا ئايلاندۇرۇپ قويۇشنى خالىمايمىز، بىزنىڭ قىرغىزىستاننىڭ ئىگىلىك ھوقۇقىنى قوغداشقا ماددىي بايلىقىمىز ۋە كۈچىمىز يېتىدۇ" دېدى.

يېڭى بىشكەك ھۆكۈمىتى ئىلگىرىمۇ قىرغىزىستاندا خىتاينىڭ ھەربىي بازا قۇرۇشىنىڭ مۇمكىن ئەمەسلىكىنى بىلدۈرگەن ئىدى. (ئۈمىدۋار)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت