Qirghizistan yene bir qétim xitayning qirghizistanda herbiy baza quralmaydighanliqini jakarlidi


2005-07-31
Share

Amérika dölet mudapi'e ministiri donald ramsfél bishkekni ziyaret qilip, manas ayrodromidiki amérika herbiy bazisining dawamliq saqlinidighanliqi heqqide qirghizistan hökümiti bilen kélishim hasil qilghandin kéyin, qirghizistan mu'awin bash ministiri edhem madamarow bayanat élan qilip, qirghizistanda amérika we rusiye herbiy bazisidin bashqa xitay herbiy bazisining qurulmaydighanliqini élan qildi. Bu heqte qirghizistanning "qabar" agéntliqi uchur tarqatqan.

Qirghizistandiki démokratik inqilabtin kéyin wezipige olturghan bu mu'awin bash ministir özining qazaqistan ziyariti jeryanidiki bildürüshiche, xitayning qirghizistanda herbiy baza qurush mesilisining ilgiri yuqiri derijilik rehberler arisida muzakire qilin'ghanliqi, emma béshkekning meydanining buninggha qoshulmaydighanliqini tekitlep," biz memlikitimizni herbiy –siyasiy nuqtigha aylandurup qoyushni xalimaymiz, bizning qirghizistanning igilik hoquqini qoghdashqa maddiy bayliqimiz we küchimiz yétidu" dédi.

Yéngi bishkek hökümiti ilgirimu qirghizistanda xitayning herbiy baza qurushining mumkin emeslikini bildürgen idi. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet