Afghanistan saqchiliri kabulda 46 neper xitay pahishe ayalni qolgha aldi

Afghanistan saqchi da'iriliri seyshenbe küni kabulda élip barghan bir qétimliq tazilash herikitide, 46 neper xitay pahishe ayalni qolgha alghan. Bu taliban hakimiyiti aghdurulghandin buyanqi eng chong bir qétimliq tazilash herikiti bolup hésablinidu.

Fransiye agéntliqining xewirige qarighanda, kabul saqchiliri bu ayallarni bu yerdiki bir qanche résturan we méhmanxanilardin yighiwalghan. Saqchilar hetta tamaqxana dep échilghan bu xitay résturanlirida birer ashpezningmu yoqliqini, bu yerde peqet pahishiliq qilmishlirining élip bérilidighanliqini bayqighan.

Xewerde körsitilishiche, bu ayallar hazir saqchida tutup turulmaqta iken hemde ularning délosi sotqa sunulidiken. Buning aldida ötken yilimu 5 neper xitay pahishe ayal saqchilar teripidin qolgha élinip, yérim yildek türmide solan'ghandin kéyin, chégradin xitaygha qoghlap chiqirilghan idi.

Taliban hakimiyiti aghdurulghandin kéyinki 4 yildin buyan, afghanistanda xitay résturanliri xéli köpiyip qalghan. Yéngi afghanistan hökümiti gerche dölitide haraq-sharablarni cheklisimu, lékin musulman bolmighan chet'el résturanlirining haraq sétishigha yol qoyidu. (Peride)