Qazaqistan xitayning mallirini tökme qilip sétishigha qarita tünji qétim tekshürüsh élip bardi

Qazaqistan soda -sana'et ministirliqi yéqinda xitayning xémir turuchlirining qazaqistanda tökme qilip sétilishigha qarshi tekshürüsh élip bardi. Bu, qazaqistanning tünji qétim xitay mehsulatlirining tökme qilip sétilishigha qarshi élip barghan tekshürüsh herikiti bolup hisablinidu.

Xitay da'irilirining melumatlirigha qarighanda, ötken yili ichidila qorghas chégrisi arqiliq qazaqistan'gha1 milyon 200 ming dollarliq xitayning xémir turuchi ékisport qilin'ghan. Bu yil qazaqistan'gha ékisport qilin'ghan, xitayning xémir turuchlirining miqtari yenimu köp bolup, bu munasiwet bilen, qazaqistan da'iriliri xitay xémir turuchlirining qazaqistanda tökme qilip sétilishidin endishe qilip, tekshürüsh élip bérishni bashlighan.

Buning aldida, qazaqistan hökümiti qorghas chégrisi arqiliq import qilinidighan xitay mallirigha qaritilghan bajni ٪ 30 giche östürüshni qarar qilghan idi.

Qazaqistanning bu qétimqi tekshürishining Uyghur élige kélip xémir turuch zawutliri qurghan xitay shirketlirige qanchilik tesiri yitidighanliqi téxi éniq emes. Emma, bir qisim xémir turuch shirketliri eger mallirini qazaqistan'gha ékisport qilish qiyinlashsa, ichkiri ölkilerdiki bazargha yötkeydighanliqini bildürgen.(Arzu)