Tang jyashü'en qirghizistanni ziyaret qilidu

Xitay dölet ishlar kommisari tang jyashü'en, aldimizdiki bir qanche kün ichide qirghizistanni ziyaret qilidu. Xitay tashqi ishlar ministirliqining bayanatchisi jang chiyö, seyshenbe küni ötküzgen muxbirlarni kütüwélish yighinida, tang jyashu'enning 9 - we 10 - dékabir künliri qirghizistan hökümitining teklipige bina'en béshkekni ziyaret qilidighanliqini élan qildi.

Biraq jang chiyö, tang jyashü'enning qirghizistandiki ziyaritining konkrét kün tertipi we qirghizistan da'iriliri bilen qandaq mesililerni muzakire qilidighanliqi heqqide toxtalmidi.

Qirghizistan, shangxey hemkarliq teshkilatidiki istratégiyilik orni intayin muhim döletlerning biri bolup, xitay hökümitining Uyghur aptonom rayonidiki milliy musteqilliq küreshlirini basturush tirishchanliqi, qirghizistan da'irilirining hemkarliqigha érishken.

Qirghizistan, béyjing hökümitining 2002 - yili sherqiy türkistan islam herikitini, b d t xewpsizlik kéngishining térrorluq teshkilatlar tizimlikige élish tirishchanliqini qollighan amérika, afghanistan qatarliq töt döletning biri . Xitayning qirghizistan bilen bolghan iqtisadi munasiwiti yéqinqi yillardin béri téz küchiyishke bashlighan. Nöwette xitay bilen qirghizistan, qeshqer bilen osh arisigha tömür yol yatquzush pilanlimaqta. (Erkin)