Xitay qirghizistan'gha bixeterlik eslihelirini i'ane qildi
2004.12.09
Xitay jama'et xewpsizlik ministirliqi, qirghizistan da'irilirining Uyghur milliy musteqilliq heriketlirini basturishini righbetlendürüsh üchün, qirghizistan'gha yene bir türküm bixeterlik eslihelirini i'ane qildi, hemde ularni torghat éghizida qirghizistan saqchi da'irilirige ötküzüp berdi.
Xitay xewer torining xewirige qarighanda, seyshenbe küni xitay saqchi da'iriliri ötküzüp bergen esliheler 30 dane saqchi jip mashinisi we bir yürüsh qoshumche eslihelerni öz ichige alghan bolup, qimmiti ikki milyon yü'endin ashidiken.
Bu xitay jama'et xewpsizlik ministirliqining 2001 - yilidin buyan qirghizistan'gha i'ane qilghan tötinchi türküm yardem boyumliri bolup hésablinidu.
Ikki terep emeldarliri seyshenbe küni torghat éghizida ötküzülgen i'ane tapshuriwélish murasimida, xitay bilen qirghizistanning " üch xil küch" lerge zerbe bérish jehette netijilerni qolgha keltürgenlikini alahide tekitlep, bu sahediki hemkarliqni téximu kücheytidighanliqini bildürgen.
Xitay hökümiti Uyghurlarning ottura asiyadiki milliy musteqilliq heriketlirini basturush üchün, ottura asiya döletlirige iqtisadiy yardemni kücheytmekte.(Arzu)
Munasiwetlik maqalilar
- Tang jyashü'en qirghizistanni ziyaret qilidu
- Xitay xelq qurultiyi tajikistan bilen tüzgen térrorchiliqqa qarshi kélishimni maqullidi
- Qazaqistan xitay bilen bolghan munasiwitini kücheytishke wede berdi
- Rusiye, xitay we hindistanning tashqi ishlar ministirliri alma'atada uchrashti
- Ottura asiya hemkarliq teshkilatining bashliqlar yighini ötküzüldi