Таң җяшүән қирғизистанни зиярәт қилди


2004.12.10
Share on WhatsApp
Share on WhatsApp

Қирғизистан президенти әсқәр акайеф, қирғизистанни зиярәт қилған хитай дөләт комисари таң җяшүән билән көрүшүп, қирғизистанниң үч хил күчләргә зәрбә бериш җәһәттә хитай билән давамлиқ һәмкарлишидиғанлиқини билдүргән.

Акайеф пәйшәнбә күни таң җяшүәнни қобул қилип, "қирғизистан билән хитайниң район бихәтәрлики вә үч хил күчләргә зәрбә бериш җәһәттики һәмкарлиқи үнүмлүк елип берилди, қирғизистан бихәтәрлик саһәсидә хитай билән давамлиқ һәмкарлишиду,"дәп көрсәткән. Таң җяшүән, қирғизистанниң хитай билән үч хил күчләргә зәрбә бериш җәһәттә елип барған һәмкарлиқини махтиған . Хитай һөкүмити, уйғурлар ичидики мустәқилчиләр, сияси өктичиләр вә охшимиған көз- қараштики диний затларни үч хил күчләр, дәп атимақта.

Хитайниң юқириқи сияси гуруһларни бастуруш тиришчанлиқи хәлқара кишилик һоқуқ органлириниң тәнқидигә учриған. Бирақ хитайлар қирғизистанни уйғурларниң мәзкур дөләттики сияси паалийәтлирини чәкләшкә риғбәтләндүрмәктә. Хитайлар йеқинда қирғизистанға 30 данә сақчи машинисини өз ичигә алған, қиммити 2 милйон йүәнлик мадди әслиһәләр инам қилған. Таң җяшүәнниң қирғизистандики зиярити пәйшәнбә күни башланған болуп, у шуни акайеф билән көрүшкән. Җүмә күни қирғизистан баш министири танайеф , ташқий ишлар министири асқар айтматофлар билән сөһбәт елип барған. Бирақ һәр икки дөләт икки тәрәп оттурисидики сөһбәтниң конкирит мәзмунини мәхпий тутти. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.