Tang jyashü'en qirghizistanni ziyaret qildi


2004.12.10

Qirghizistan prézidénti esqer akayéf, qirghizistanni ziyaret qilghan xitay dölet komisari tang jyashü'en bilen körüshüp, qirghizistanning üch xil küchlerge zerbe bérish jehette xitay bilen dawamliq hemkarlishidighanliqini bildürgen.

Akayéf peyshenbe küni tang jyashü'enni qobul qilip, "qirghizistan bilen xitayning rayon bixeterliki we üch xil küchlerge zerbe bérish jehettiki hemkarliqi ünümlük élip bérildi, qirghizistan bixeterlik saheside xitay bilen dawamliq hemkarlishidu,"dep körsetken. Tang jyashü'en, qirghizistanning xitay bilen üch xil küchlerge zerbe bérish jehette élip barghan hemkarliqini maxtighan . Xitay hökümiti, Uyghurlar ichidiki musteqilchiler, siyasi öktichiler we oxshimighan köz- qarashtiki diniy zatlarni üch xil küchler, dep atimaqta.

Xitayning yuqiriqi siyasi guruhlarni basturush tirishchanliqi xelq'ara kishilik hoquq organlirining tenqidige uchrighan. Biraq xitaylar qirghizistanni Uyghurlarning mezkur dölettiki siyasi pa'aliyetlirini chekleshke righbetlendürmekte. Xitaylar yéqinda qirghizistan'gha 30 dane saqchi mashinisini öz ichige alghan, qimmiti 2 milyon yü'enlik maddi esliheler in'am qilghan. Tang jyashü'enning qirghizistandiki ziyariti peyshenbe küni bashlan'ghan bolup, u shuni akayéf bilen körüshken. Jüme küni qirghizistan bash ministiri tanayéf , tashqiy ishlar ministiri asqar aytmatoflar bilen söhbet élip barghan. Biraq her ikki dölet ikki terep otturisidiki söhbetning konkirit mezmunini mexpiy tutti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.