Xitay metbu'atliri, qirghizistanning siyasiy weziyitini yéqindin küzetmekte
2005.03.24
Xitay tashqi ishlar ministirlikining bayanatchisi lyu jenchawning bildürüshiche, qirghizistanning jem'iyet we iqtisadiy muqimliqi, rayonning bixeterliki bilen biwaste munasiwetlik iken.
En'giliye b b s radi'o - téléwiziye shirkitining bu heqte bergen xewiride körsitilishiche, qirghizistan bilen xitayning gherbiy shimalidiki rayonliri chégridash bolup, istratégiyilik orni intayin muhim hésablinidu. Xitayning bu rayonida izchil türde bölgünchilik qalaymiqanchiliqliri dawamliq yüz bérip turidiken.
Xitay hökümet da'iriliri qirghizistanning nöwette yüz bériwatqan weziyiti heqqide héchqandaq ipade bildürmeywatqan bir peytte, xitayning organ metbu'atliri bu heqte türlük qarashlarni otturigha qoyushmaqta.
Béyjingda chiqidighan "win xuy" gézitining bu heqte élan qilghan maqalisda éytilishiche, eger qirghizistan hökümiti aghdurulsa, mezkur dölet shangxey hemkarliqigha ezaliq salahitini saqlap qalalmaydiken.
Maqalida yene, "hazir, shangxey hemkarliq teshkilatining intayin chong riqabetke duch kéliwatqanliqi, bolupmu amérikining nöwette ottura asiya rayonidiki istratégiyilik orunda bir qorghan quruwélishidin endishe qiliwatqanliqi" tekitlen'gen. (Qanat)