Хуҗинтав қирғизистан зияритини башлиди


2007.08.14
Share on WhatsApp
Share on WhatsApp

Хитай рәиси хуҗинтав дүшәнбә күни бешкәк айрудурумиға чүшүп , бу җайда ечилмақчи болған шаңхәй һәмкарлиқ тәшкилати йиғинидин бурун қирғизистанға қаратқан рәсмий зияритини башлиди. Хәвәрләргә қариған хуҗинтав бу зиярити җәрянида қирғизистан билән бир қатар һәмкарлиқ келишимлири түзгән . Көзәткүчиләр ,қирғизистан һакимйитидә давалғуш болуп туриватқан, һәмдә ички вәзийити җидди бир пәйткә тоғра кәлгән хуҗинтав зиярити , бақийеф һакимийитигә нисбәтән наһайити әһмийәтлик дәп қараватқан болуп, бақийеф һөкүмити хитайниң иқтисади һәмдә дипломатийә җәһәттики ярдимини күтмәктә.

Қирғизистан һөкүмити хуҗинтавни алаһид рәсмийәтләр билән дағдуғилиқ күтүвалған. Америка авази радиосиниң хәвиридә көрситишичә , бақийеф қирғизистандики асаслиқ өктичи күчләрни шаңхәй һәмкарлиқ тәшкилати йиғини һәмдә хуҗинтав зиярити җәрянида кәң көләмлик наразилиқ паалийәтлирини елип бармаслиққа көндүргән.

Шинхуа агентлиқиниң хәвиридә көрситилишичә, сәйшәнбә күни хуҗинтав билән бақийеф бирләшмә баянат елан қилип, шәрқий түркистан мустәқилчилирини террорчи дәп қарап бирликтә бастурушини қайта тилға алған.

Көзәткүчиләрниң тәһлиллиригә қариғанда , хуҗинтавниң қирғизистанға қаратқан бу зиярити бақийеф һакимийитигә қарита қоллаш болупла қалмай хитай үчүнму истиратегийилик әһмийәткә игә болуп ,хитай һөкүмити шәрқий түркистан мустәқиллиқ паалийәтчилириниң қирғизистанда паалийәт елип беришини чәкләш мәқситигә йетиш үчүн қирғизистан билән болған һәр җәһәттики һәмкарлиқини күчәйтишкә һәрикәт қилмақта.

Қирғизистан даирилири шаңхәй һәмкарлиқ тәшкилатиниң йиғини ечилиш һарписида қирғизистан тәвәликидә сода қиливатқан уйғурларға болған контроллуқни күчәйткән болуп , 6 - айдин башлап нурғун уйғурлар қирғиз сақчилири тәрипидин тәһдиткә учриған һәм мәҗбури чегридин чиқирилип кәлмәктә. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.