Xu jintaw, astana yighinida xitayning ottura asiyadiki tesirini mustehkemleshke tirishidu

Roytérs axbarat agéntliqining xewer qilishiche, xitay dölet re'isi xu jintaw aldimizdiki seyshenbe küni qazaqistan paytexti astanida shangxey hemkarliq teshkilatining bashliqlar yighinigha qatniship, xitayning rayondiki tesirini mustehkemleshke tirishidiken. Térrorizm mesilisi shangxey hemkarliq teshkilatining yighinidiki merkizi téma.

Shangxey hemkarliq teshkilati bash katipi jang dégu'angning tekitlishiche, eza döletler térrorizm, bölgünchilik we diniy esebiylikke qarshi turush tedbirlirini alidiken. U, yighinda térorizimgha qarshi turush tedbirlirini kücheytish kélishimi imzalaydighanliqini bildürdi.

Xitay hökümiti bu yil 3 - ayda yüz bergen qirghizistandiki weqe bilen enjandiki isyanning Uyghur aptonom rayonigha kéngiyish mümkinchiliki bar, dep ensirigen.

Jang dégu'ang, enjandiki weqe térorchilar teripidin pilanlan'ghan heriket, dep körsetti. U, " qorallar unsurlarning meqsidi özbékistanda radikal islam döliti," dep eyibligen.

Roytérs axbarat agéntliqining xewer qilishiche, xitayning özbékistandiki weqeni basturushni qollashtiki meqsidi shangxey hemkarliq teshkilatidiki ornini mustehkemlesh shundaqla özbékistandiki weqening xitayda yüz bermeydighanliqigha kapaletlik qilishken. Roytérs axbarat agéntliqi, "xitayning ottura asiyada néfit menbe'esige érishish üchün, Uyghur aptonom rayoni we ottura asiyaning muqimliqigha ihtiyaji bar, dep körsetti. (Erkin)