Хитай өзбекистанға йәнә ярдәм қилди


2006.01.08

Өзбекистан билән болған мунасивәтлирини техиму қоюқлаштурушни үмид қиливатқан хитай, өзбекистанниң сода-иқтисадий тәрәққиятиға ярдәм беришни давамлаштурмақта. Оттура асиядики пәрғанә агентлиқиниң русийиниң итар-тасс агентлиқидин нәқил кәлтүрүшичә, хитай тәрәққият банкисиниң муавин башлиқи ваң йи башчилиқидики бир вәкилләр өмики йеқинда өзбекистанни зиярәт қилғанда, өзбекистанға 20 милйон америка доллири қәрз беришни елан қилған. Бу программа шаңхәй һәмкарлиқ тәшкилатиға әза дөләтләрниң банкилириниң һәмкарлиқ мунасивәтлиригә аит өткән йили түзүлгән келишимниң роһиға асасән әмәлгә ашурулидикән.

Хитай билән өзбекистанниң һәр тәрәплимилик мунасивәтлири йилдин –йилға қоюқлашмақта. Өткән йили 13-майдики әнҗан вәқәсидин кейин өзбекистан президенти ислам керимоф хитайни зиярәт қилип, келишим түзди шуниңдәк хитай өзбекистанниң әнҗан вәқәсини бастурғанлиқини қоллиди, өзбекистан болса, хитайниң уйғур мустәқилчилирини бастурушини қоллайдиғанлиқини билдүрди.

Анализчиларниң қаришичә, ислам кәримоп, америка қатарлиқ ғәрб дунясиға тақабил туруш үчүн хитай вә русийә билән йеқин мунасивәт орнитишқа мәҗбур болған. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.