Xitay özbékistan'gha yene yardem qildi

Özbékistan bilen bolghan munasiwetlirini téximu qoyuqlashturushni ümid qiliwatqan xitay, özbékistanning soda-iqtisadiy tereqqiyatigha yardem bérishni dawamlashturmaqta. Ottura asiyadiki perghane agéntliqining rusiyining itar-tass agéntliqidin neqil keltürüshiche, xitay tereqqiyat bankisining mu'awin bashliqi wang yi bashchiliqidiki bir wekiller ömiki yéqinda özbékistanni ziyaret qilghanda, özbékistan'gha 20 milyon amérika dolliri qerz bérishni élan qilghan. Bu programma shangxey hemkarliq teshkilatigha eza döletlerning bankilirining hemkarliq munasiwetlirige a'it ötken yili tüzülgen kélishimning rohigha asasen emelge ashurulidiken.

Xitay bilen özbékistanning her tereplimilik munasiwetliri yildin –yilgha qoyuqlashmaqta. Ötken yili 13-maydiki enjan weqesidin kéyin özbékistan prézidénti islam kérimof xitayni ziyaret qilip, kélishim tüzdi shuningdek xitay özbékistanning enjan weqesini basturghanliqini qollidi, özbékistan bolsa, xitayning Uyghur musteqilchilirini basturushini qollaydighanliqini bildürdi.

Analizchilarning qarishiche, islam kerimop, amérika qatarliq gherb dunyasigha taqabil turush üchün xitay we rusiye bilen yéqin munasiwet ornitishqa mejbur bolghan. (Ümidwar)