Америка өзбекистанға беридиған ярдәмни қисқартиши мумкин


2005-07-14
Share

Америка һөкүмити чаршәнбә күни әгәр өзбекистан хәлқараниң бу йәрдә йүз бәргән қирғинчилиқни тәкшүрүш чақириқиға давамлиқ сәл қариса, у һалда америкиниң өзбекистанға бәрмәкчи болуватқан 22 милйон америка доллири ярдәм пулини тохтитип қоюши мумкинликини агаһландурди.

Америка ташқи ишлар министирлиқиниң баянатчиси том касий, америкиниң нөвәттә өзбек һөкүмитиниң 13 - майдики қирғинчлиқ вәқәсини қандақ бир тәрәп қилишини йеқиндин көзитип келиватқанлиқини билдүрүп, "очуқки, өзбекистан һөкүмитиниң бу мәсилидики инкаси бизниң бу қарарни чиқиришимизда һәл қилғуч рол ойнайду" деди.

Америкиниң бу позитсийиси бирләшкән дөләтләр тәшкилатиниң әнҗан вәқәси һәққидә чиқирилған доклатидин бир күн кейин ипадиләнгән болуп, б д т доклатида 13 - майдики өзбекистан һөкүмитиниң өзбек намайишчиларни бастуруш вәқәсини "чоң қирғинчилиқ" дәп әйиблигән.

Америка һөкүмити һәтта өткән йили өзбекистан президенти ислам кәримофниң кишилик һоқуқни илгири сүрүш вә демократик ислаһатни йолға қоюш вәдисини орунлимиғанлиқи үчүн, өзбекистанға қилидиған 8 милйон америка доллири ярдәм пулини тохтутуп қойған иди.

Нөвәттә кәримоф һөкүмити 13 - май әнҗан вәқәси сәвәбидин хәлқараниң бесимиға учримақта. Әмма өзбекистан һөкүмити америкиниң бу ипадисигә техи инкас қайтурмиди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт