Amérika özbékistan'gha béridighan yardemni qisqartishi mumkin


2005-07-14
Share

Amérika hökümiti charshenbe küni eger özbékistan xelq'araning bu yerde yüz bergen qirghinchiliqni tekshürüsh chaqiriqigha dawamliq sel qarisa, u halda amérikining özbékistan'gha bermekchi boluwatqan 22 milyon amérika dolliri yardem pulini toxtitip qoyushi mumkinlikini agahlandurdi.

Amérika tashqi ishlar ministirliqining bayanatchisi tom kasiy, amérikining nöwette özbék hökümitining 13 - maydiki qirghinchliq weqesini qandaq bir terep qilishini yéqindin közitip kéliwatqanliqini bildürüp, "ochuqki, özbékistan hökümitining bu mesilidiki inkasi bizning bu qararni chiqirishimizda hel qilghuch rol oynaydu" dédi.

Amérikining bu pozitsiyisi birleshken döletler teshkilatining enjan weqesi heqqide chiqirilghan doklatidin bir kün kéyin ipadilen'gen bolup, b d t doklatida 13 - maydiki özbékistan hökümitining özbék namayishchilarni basturush weqesini "chong qirghinchiliq" dep eyibligen.

Amérika hökümiti hetta ötken yili özbékistan prézidénti islam kerimofning kishilik hoquqni ilgiri sürüsh we démokratik islahatni yolgha qoyush wedisini orunlimighanliqi üchün, özbékistan'gha qilidighan 8 milyon amérika dolliri yardem pulini toxtutup qoyghan idi.

Nöwette kerimof hökümiti 13 - may enjan weqesi sewebidin xelq'araning bésimigha uchrimaqta. Emma özbékistan hökümiti amérikining bu ipadisige téxi inkas qayturmidi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet